نسيت أسمك وعنوانك؟!!؟!!؟

[أبومراد]

نسيت صوتك .. و كلماتـك .. و ج ـوالـك
و نسيت أسمك .. و ع ـنوانـك .. و أيميلـك



و نسيت باقي كلامك .. طبعـك .. أفعالـك
يعنـي أبشـرك .. ( حتـى لـون منديـلـك )



هذا و أنـا منتظـرك ..و شـاري وصالـك
تصـد عنـي .. لـو ايـامـي مقابيـلـك



لو تشـرب المـر مثلـي .. ماتـت آمالـك
( تخيل أني أحبـك ) .. بـس مـا أجـي لـك



أرحل .. و أخليك .. وسط الليـل بلحالـك
لا حن قلبي .. و لا أنـت ( بمحتمـل ليلـك )



تذكر ؟ .. و أنا اقـول يـا قلبـي هنيالـك
ح ـبيت مثلي .. و غ ـنـت لـك مواويلـك



يا شيخ شفني .. تموتنـي .. و أنـا أحيا لـك
أروح أبشكي غ ـرامك .. ( و أرجع أشكي لـك )



ع ـز الله أني قريـب .. أقـرب مـن ظلالـك
و ع ـز الله .. أنـي تخيرتـك علـى جيلـك



و اتذكر شلون ؟ .. كنت أجيـك و أقرالـك
( قصايدي فيك ) .. و أنت تقول : يـا ويلـك!!



والله .. لأذبح أبوك .. و عمك .. و خالـك
و أذبحك معهـم .. و أسويلـك و أسويلـك



أياني و أياك .. يسمـع غيـري .. أقوالـك
( أبيك ملكـي .. و لـي وحـدي مراسيلـك )



و طبقت شرطك .. و صار القلـب منزالـك
سكنت وحدك .. و لك جـندك .. و لك خـيلك



سبحان ربـي .. وش اللـي غ ـيـر أحوالـك
خ ـلاك تنسـى أختراعـي .. ( فـن تدليلـك )



ما أقول بأنـي شجـاعً .. شِـرِب فنجالـك
( لا و الله .. الا تعبـت أشـرب فناجيـلـك )



زرعت ع ـمري .. و شوقي فـوق سلسالـك
و أن ضاق صدرك على دنيـاك .. أغنيلـك



الحين .. توي ع ـرفتـك .. بأكثـر أشكالـك
وألحين توي ع ـرفت الحين .. ( مانـي لـك )



أكيد مبـداء حياتـك .. و أجمـل أمثالـك
( أغنم زمانك مـدام انـه مصافـي لـك ) !!



أن كنت رايح .. ع ـوافي .. و السعـد فالـك
ما هوب انا اللي اذا تقفـي .. بنـادي لـك



و أن كنت تلعـب علـى الحبليـن بحبالـك
(ع ـلـى الله الواحـد المعبـود .. تعديلـك !! )

[ابو زياد]

ابو مراد
يعطيك العافيه مبدع ومتألق
اتمنى لك التوفيق والابداع المتواصل

[السحاري]

كم هو جميل ما تطرح هنا من عبارت جميله
مبدع اخي ابو مراد دمت بالف خير

[أبومراد]

مشكور ابو زياد والسحاري على التعليق الجميل والرائع